港媽小一戰後感　邊間面試題目最難？

我見大家都差唔多完成了大部分直私面試，想開一個輕鬆topic大家分享吓… 綜合自己及各方好友今年考小一既經驗，得出以下結論… 不過要聲明一下，無意針對個別學校架，不喜勿插﹗

以下分析面試篇見聞：

1. 最快手 - 禮賢，SFA(聖芳濟各英文小學) 

史上最快，只要見小朋友15至20分鐘已可揀出學生，勁﹗另一間SFA，可以係短短1日，朝9晚3點半，見哂接近三千個學生，效率都好高。

2. 最懨悶 - SMC（聖瑪加利男女英文中小學）

呢間係一路收表（收足半年），一路面試，又陰啲陰啲出2nd in甚至offer既學校，但如果未被甄選既，可能等幾個月都無聲氣，連想知幾時會有結果都唔知﹗

3. 最估唔到 - DGJS（拔萃女小學）

呢間面試題目真係無得tip，連摺衫去廁所都考埋，估你唔到﹗

4. 最巴閉 - 高主教

所謂巴閉，係面試當天，差佬封路封到連學校條街都唔比駛入。

5. 最有娛樂性 - YW(英文小學)  ，CKY（保良局蔡繼有學校）

YW 家長係等侯期間，仍然有Snoopy校長同YW仔表演娛賓，小朋友走既時侯仲可以比$100拎走架飛機，CKY則有副校長表演棟篤笑，另外優才有吹氣彈床比小朋友玩亦抵讚。

6. 最辛苦 - 男拔

面試要先帶小朋友排隊上山，之後家長要落山等候，再上番山接番小朋友然後落山，最開心既應該係附近茶餐廳。

7. 最爽快 - 港同，漢華

港同 In 完一星期已出result，唔洗左等右等，輾轉難眠﹗（多謝 winy629提供） 漢華都好快，三星期內已經完成 1st IN, 2nd IN, offer, 註冊。

8. 最有宗教氣氛 - 音小

呢間面試要同老師一齊祈禱已不是新聞，但原來我番邊間教會，做過咩事奉亦會被問及…但奇在佢地又唔係話一定要收基督徒，咁唔知其實有咩關係？

9. 最老友鬼鬼 - 真道，優才

呢2間學校不單只係正隔離咁簡單，就連interview既日子都有部分重疊，攪到好多人搭的士見到有人落車又跟住落，先發覺去錯學校﹗又有啲好彩既真係可以in完一間行去另一間in埋架﹗最攪鬼係佢地2間學校都鍾意係non office hour出email 比家長，莫非2間學校夾埋既？

10. 最勤力 - 祟真

呢間我記得由考幼稚園開始，已經係會考到夜麻麻（7,8點）既學校… 估唔到到考小學依然係要玩到夜麻麻… 我成日都諗唔明點解要由朝in到晚？老師唔辛苦的嗎？

文章獲撰文者授權轉載。

【其他熱話】小一作戰眾生相　子女落榜媽媽有幾難受？

【其他熱話】直私小一戰後感　邊間是港媽眼中神校？

【其他熱話】趙海珠營造高質親子時間：成績並非最重要

【其他熱話】安排兒子讀本地傳統學校　雷頌德：香港名校已變質